Kompany a dam hnai

Manchester City cap-tain Vincent Kompany chu Pathianni zan dar 10:00-a West Brom nen Premier League match an khelh hunah la inlan thei dawn lo mah se Thawh-lehni zana Paris Saint-Germain nen Champions League quarterfinal se-cond leg an khelh hun-ah erawh khelmual chhungah a hmel hmuh tur a awm tawh mai thei.

Kompany hi Dynamo Kiev nen March 15-a Champions League last-16 second leg an khelh ṭumin a khup a hliam a, hemi hnu hian a la inkhel leh lo.

City hian an captain chan rih mah se thla hnih zet a chawlh hnuah midfielder Kevin De Bruyne chu a inkhel leh thei tawh thung. Belgium international hian Nilaini zana PSG nen 2-2 a an inhnehtawk ṭumin goal a khung nghe nghe.

A player pahnih chung-chang sawiin Manchester City manager Manuel Pellegrini chuan, "De Bruyne a rawn khel ṭha thei nghal a, kan tan chuan chanchin lawmawm a ni. Tunhnai ni hnih thum chhungin a dinhmun pangngai a luah chhoh theih mai ka ring. Captain Kompany pawh beisei aiin a dam chak a, West Brom hi la hmachhawn thei dawn lo mah se karlehah erawh kan chhawr thei tawh mai thei," tiin a sawi.