Reds captain Hendo a inhliam

Niangni zan Europa League-a Liverpool leh Borussia Dortmund an inkhelh ṭumin Reds captain Jordan Henderson chu khup hliam vanga lak chhuah a ni a, English midfielder dinhmun hi a ṭha lo hle niin manager Jurgen Klopp chuan a sawi.

Kum 25-a upa Hen-derson hi season chaw-hma lam khan a khup hliam vangin thla thum chhung a lo chawl tawh a, nimin khan a hliam hi endik niin he chanchin buatsaih a nih lai hian a dinhmun dik tak puan zar a la ni lo.

Reds manager Klopp chuan Hendo hliam hi hliam tenau a ni lo tih sawiin, "Hendo hliam vang hian ka lunghnur takzet a, engmah sawi-lawk theih a ni lo. Scan kan neih hunah chauh a hliam dan dik tak hriat a ni dawn a, tuna ka sawi theih awmchhun chu hliam tenau a ni lo tih hi," a ti.

Hendo hian April 14-a Dortmund nen Europa League quarterfinal second leg an khelh tur chu a khel thei dawn lo chiang a, Euro 2016-ah a inlan theih dawn leh dawn loh pawh a chiang lo. England manager Roy Hodgson chuan May 12-ah Euro-a in-lan tur squad a puang ang.