Player of the Month-ah Kane

Tottenham striker Harry Kane chu March thla chhunga Premier League Player of the Month-ah thlan a ni a, Leicester boss Claudio Ranieri chu Manager of the Month-ah puan a ni bawk.

Harry Kane hian March thla chhung-in league-ah goal nga khungin Spurs nomawi beiseina chhi nungtu a ni. English striker Kane hian Arsenal nen an inhnehtawkṭumin goal khat a khung bakah Aston Villa leh Bournemouth lakah goal hnih ve ve a khung bawk a, Premier League-ah goal 22 khungin top scorer a ni mek.

Ranieri-a'n point 12 hlawh chhuah theihna aṭangin a team Foxes chu point 10 a hmuhpui a, West Brom chu 2-2 a an inhnehtawkpui hnuah goal khat
ṭheuhin Watford, Newcastle leh Crystal Palace-te an hneh bawk a ni.

Italian manager Ranieri hian tun season-ah ringawt manager of the month dinhmun vawi hnih a luah tawh a, March thla hma hian November, 2015-ah khan a lo dawng tawh bawk.