Indian Premier League ṭan a ni ta

Inrinni zan khan Indian Premier League 2016 chu khelh ṭan a ni a, inkhel hmasa berah Maharashtra club pahnih Rising Pune Supergiants chuan wikcet kuain Mumbai Indians an sawp.

Wankhede Stadium, Mumbai-a inkhelah mualneitu MI an bat hmasa zawk a, over 20 chhunga run 121 siamin mi pariat an hloh. Mumbai tan an batsman-te chet ṭhat loh zanah Harbhajan Singh-a'n bowling chauh lo pawh a thiam tih lantirin ball 30-a hmachhawnah run 45 siamin a tawp thleng a dam a, Mumbai tana run siam hnem ber a ni.

IPL-a an vawi khat inlannaah Rising Pune Supergiants-in awlsam takin an target an umpha a, over 14.4-ah run 126 siama mi pakhat chiah hlohin mualneitu Mumbai an mualpho chiang hle.

Pune club tan Ajinkya Rahane chuan ball 42 a hmachhawnah run 66 siamin a tawp thleng a dam a, run 34 siamtu Faf du Plessis leh run 21 siama a tawp thleng dam Kevin Pietersen-te'n an thawhpui ṭha viau bawk.

Nizan khan IPL match khat a awm a, Kol-kata Knight Riders leh Delhi Daredevils-te inhmachhawnin he chan-chin buatsaih a nih lai hian an result kan hre hman lo.

Zaninah inkhel pa-khat a awm dawn a, dar 08:00-ah Kings XI Pun-jab leh Gujarat Lions an inhmachhawn ang.