Semifinal-ah Saina a tla

Saina Nehwal chuan kuminah beisei a phak lo chhunzawm zel, Inrinni khan Tai Tzu Ying hneh loin Malaysia Super Series Premier semifinal aṭangin a tla.

Olympic bronze medallist Saina hi world number 6 Tai Tzu lakah hian 19-21, 13-21 in a tlawm. Indian shuttler Saina hi Tai Tzu nen hian vawi 12 an inhmachhawn aṭangin vawi sarih ngawt a chak lo zawkah a ṭang.

Kum 26-a upa Saina hi tun hnaiah Swiss Open Grand Prix Gold leh India Super Series semifinal-ah te a lo tla tawh bawk. World number 8 Saina hi April 12 aṭanga khelh ṭan tur Singapore Open-ah a inlan zui leh ang.