Lyon player-te hma hun a chiang lo

Ligue 1-ah pasarihna an nih avangin Lyon-in season tharah European football an khel dawn lo a, chutihrualin Champions League semifinal an thlen theih avangin Rudi Garcia player-te hian Europe club lian zawk chil an ti put ngei ang.

Lyon boss Rudi Garcia chuan, "Eng nge thleng zel dawn ka hre lo. Beisei loh takin semifinal kan lut a, kan vanneih ṭum ni se thui zawk thleng thei kan ni. Kan sum dinhmun chu ka chhan theih a ni lo a, ka player-te erawh Champions League semifinal thleng lo pawh ni ila an ṭhatzia ka hria," tiin a sawi.

French club player pawimawh Moussa Dembele, Houssem Aouar leh Memphis Depay te hi chhuak tura sawi an ni a, Champions League-a an khelh ṭhat avangin Lyon hian Covid-19 buai karah man man takin an hralh theih a rinawm.

Rudi Garcia chuan sawi chhunzawmin, "Kan game plan ti hlawhtling tura ka player-te thawhrimnaah ka lawm. Kan khingpuite keini aiin an hriam zawk a, keini erawhin goal ban kan pet ber bakah chance ṭha kan hlah. Bayern hi team ropui tak an ni a, chak an phu. Goal thumna an khung khan kan beiseina a tawp," tiin a player-te leh Bayern a fak.