Texas-ah Marquez a chungnung

MotoGP Grand Prix of the Americas chu Pathianni khan tlan a ni a, pole position aṭanga bul ṭan Honda rider Marc Marquez chuan bike khalh thiam bik a nih zia lantirin world champion Jorge Lorenzo hnehin pakhatna a ni.

Austin, Texas-a intlan-siakah hian Spanish rider Marquez hian a zawnin vawi li ngawt pakhatna dinhmun a luahna a ni ta a, MotoGP intihsiakna bikah vawi 26 hnehna a channa chiah a ni bawk. Kuminah hian US-ah Texas-ah bak hian MotoGp intlansiak a awm dawn lo.

Ducatti rider Andrea Iannone chu pathumna niin Valentino Rossi, Dani Pedrosa leh Andrea Dovizioso te erawh an chetsual vangin intlansiak an tlan tluan thei lo thung.

Kum 23-a upa Marquez chuan, "Ka hlim em em a, intlansiak nuam tak chu ni lo mah se a pawimawh ber point 25 kan hmuh avangin a lawmawm hle," tiin a sawi.

Marquez hian point 66 hmuin world cham-pionship-ah hmahruaitu a ni a, pahnihnnah chuan Yamaha rider Lorenzo (45) awmin Rossi (33) chu pa-thumna a la ni thung a ni.

Kumin MotoGP round lina chu April 24 khian Spanish Grand Prix tlan leh a ni ang.