Gary Neville-a tel loin Valencia chak

Valencia-in an coach Gary Neville an ban hnua an khelmuala an match hmasa ber Pathianni zan khan an khel a, an mikhual Sevilla chu 2-1 in an hneh.

Liverpool assistant manager hlui Pako Ayesteran-a kaihhruaina hnuaia khel Valencia tan league match nga chhung chak hmel an hmuh loh hnua an chak lehna hmasa ber a ni a, Mestalla Stadium-a Va-lencia fan-te an hlim hle.

Chawlhlawk hman a nih hma lawkin Valencia-in an hmahruaina goal an khung a, goal hi Dani Parejo-a'n free kick aṭanga khung a ni.

Europa League champion Se-villa-in awlsam taka tlawm an tum lo. Hun tawp nan minute li chiah a awm tawh tihin Kevin Gameiro chuan tun season-a a goal 15-na khungin an si phurh a sut.

Mahse, Sevilla-in an striker hlui Alvaro Negredo an ngam lo a, bench aṭanga tlan lut Valencia striker hian injury time-ah chakna goal khungin mualneitu team hian 2-1 in hnehna an chang ta a ni.