Messi leh Suarez ten goal an khung

Major League Soccer inkhelah Inter Miami chuan 5-0 in Orlando City an sawp a, Lionel Messi leh Luis Suarez ten goal hnih ve ve an khung - Suarez hian assist vawi hnih a nei bawk.

Barcelona striker hlui Suarez hian minute 11 chhungin goal hnih a khung a, minute 29-naah mahni hmasial lo takin Rob Taylor-a khung tur a siamsak bawk - second half-ah Messi a inlar ve leh a, goal hnih a khung. Messi goal hnuhnung zawk hi Suarez siamsak a ni.

Inter Miami hi Barca coach hlui Gerardo Martino chuan enkawlin, Messi leh Suarez bakah Jordi Alba leh Sergio Busquets chu Barca player hlui an kawl an ni bawk - Miami hian match thum khelh tawhah point sarih an nei mek a, MLS Eastern Conference-ah table chung ber an luah mek.