Sialhawkin goal an surtir

Mahindra XUV 300 LPS Cup Inter Village Football Tournament 2024 round of 32 chu khelh zawh a ni ta a, Inrinni khan ngaihven hlawh Sialhawk chuan 9-1 ngawtin Central Jail Veng an sawp a, F. Lallawmkima leh Moses Lalrinzuala ten hattrick an siam.

Vaivakawnin Keifang Jt. lakah goal khung thei lo mah se, penalty-ah 3-0 in an chak zui a, Bethlehemin 3-2 in Durtlang North an pet chhuak bawk. Tlungvel leh Ramhlun South-te 1-1 in an inhnehtawk a, penalty-ah 4-2 in Ramhlun S an vannei zui a, round of 16 an lut.