Brighton-in player sum thawh zat thawh dawn

Premier League club Brighton & Hove Albion chuan Australia rama kang tuarte ṭanpui nana an player pahnih Mat Ryan leh Aaron Mooy te sum thawh ang zat tal thawh ve an tum thu an sawi a, Australian dollar 30,000 (Nuai 14.71)  

an pe ang. 

Ryan hian kar hmasa khan Premier League-a goalkeeper-te save neih zat mila sum a thawh tur thu a sawi a, goalkeeper pakhatin save vawi khat a neihah Australian dollar 500 zel a pek tur thu a sawi. 

Premier League keeper ten save vawi 56 an neih hnuah Australia international goalkeeper ni bawk Ryan hian an ram dollar 28,000 (Nuai 13.73) chu a pe a, Brighton tana a khelhpui Australian midfielder Mooy chuan sum a thawh ve bawk. 

Player pahnih hian Australian Players’ Association kaltlangin sum hi an thawh a ni. Ryan chuan, “Club hnathawh hi ropui ka ti a, kan hun tawn thim takte pawh hi midangte ṭhatna hmuhna remchang tak a ni ve bawk,” tiin a sawi. 

Australia ram kang hi July 1 aṭanga kang ṭan tawh kha a ni a, mi 28 velin nunna chan tawhin ram 100,000 sq km vel chu a kang tawh a ni.