AFC Cup Mohun Bagan leh Bengaluru an inlan dawn

Vawiin tlai dar 03:00-ah Mohun Bagan chuan AFC Cup group stage match khel turin Yangon United an lenchilh dawn a, Myanmar club nena an inkhel tur hi Star Sports 2-ah live in en theih a ni ang.

Bengaluru chuan zan dar 7:00-ah Ayeyawady United an mikhual dawn bawk a, Sree Kanteerava Stadium, Bangalore-a inkhel tur pawh hi Star Sports 2-ah vek en theih a ni dawn a ni.

Bagan tan insiamṭhatna

Mohun Bagan-in Aizawl FC an hma-chhawn hmain league match 11 chhung hneh loh an tawng lo a, Mizo club laka an tlawm hnuin ngai an awh leh tawh lo. Kolkata Derby-ah East Bengal an hneh loh chhunzawm a, Shillong Lajong leh DSK Shivajians an inhnehtawkpui bawk.

AFC Cup-a hneh loh la tawng lo chunga hmahruaitu Bagan tan zanin an inkhel tur hi insiamṭhatna hun ṭha a ni a, Kolkata club hian I League lama an chet chhiat thup nan Myanmar club lakah hnehna chan an tum ang - zaninah an chak a nih chuan match hnih khelh tur la awm chungin last-16 an lut chiang tawh ang.

Mohun Bagan tan Mizo tlang-val Jeje Lalpekhlua a pawi-mawh leh dawn. Hnahthial tlang-val hian AFC Cup-a match thum a inlan tawhah goal nga khungin a team tan a thawhhlawk takzet a, AFC Cup-ah striker hlauhawm ber pawl a ni mek.

Sanjoy Sen-a team hian Yan-gon United hi Kolkata khaw-puia an mikhual ṭumin Haiti international Sony Norde leh Jeje-a goal hnih hmangin 3-2 in an lo hneh tawh a, vawiin tlaiah inringtawk tak chungin Myanmar club hi an hmachhawn ang.

Chak mamawh Bengaluru

I League nomawi chawi turin Bangalore club-in inkhelh hmabak pahnih an la neih a vawi khat chak chiah an mamawh tawh a, AFC Cup lamah erawh an dinhmun a duhawm lo hle.

Ashley Westwood-a naute hian group stage match thum an khelhah vawi khat chiah hnehna an la chang a, an team hneh chhun erawh zanina an hmachhawn tur Ayeyawady United an nih avangin Myanmar club lakah hian an inringtawk khawp ang.

Bengaluru hian an match hnuhnung pangaah vawi khat chiah an tlawm a, vawi khat an khingpui inhnehtawkpuiin vawi thum an chak a, East Bengal hneh zo hlim an nih avangin an phur vanglai tak a ni.

Ayeyawady United-ah Santosh trophy-a Mizoram tana khel tawh Mizo goalkeeper Van Lal Hruaia a awm a, Myanmar international hi zanin inkhelah hian inlan tura beisei a ni.

Bengaluru-in Mizo pa-nga midfielder Beikhokhei Bei--ngaichho, defender Lal-chhuan-----mawia Fanai, striker Da-niel Lalhlimpuia, goalkeeper Lal-thuammawia Ralte, midfielder Malsawmzuala-te an kawl thung a, AFC Cup-ah Mizo tlangval an inhmachhawn dawn e.