Palermo coach Novellino ban a ni

Thla khat lek a enkawl hman tihah Palermo coach Walter Novellino chu a hna aṭanga ban a ni.

Kum 62-a upa Nove-llino hian March thla khan Beppe Iachini thlakin a hna hi a thawk ṭan a, mahse a hna hi chawlhkar thum bak a thawk hman lo. Inkhel vawi li hma-chhawnin vawi thum a chak loh pui a, ṭum khat chu an khingpuite nen an inhnehtawk thung.

Pathianni khan Pa-lermo hi Lazio lakah 3-0 in an tlawm a, tun dinhmuah Palermo hi relegation zone-ah awmin Serie A match ruk chiah khelh hmabak a awm tawh bawk si avangin coach hian a tuar ta a ni.

Novellino chuan, "Ka hna aṭangin ban ka nih ka chiang tawh a, ka lungngaiin chanchin ṭha lo lam a ni. Mahse fans leh club thuneitute chungah ka lawm tho," tiin a sawi.

Maurizio Zamparini thuneihna hnuaia awm Palermo hian tun season-ah chauh pawh manager vawi kua an thlak tawh a, tun hnai kum 14 chhungin manager 36 an nei tawh bawk.