England batsman James Taylor a chawl

England leh county cricket-a Nottinghamshire tana khel batsman James Taylor chuan lung lam ṭhat lohna avangin kum naupang tak nichungin cricket a chawlhsan thu a puang.

Kum 26-a upa Taylor hi kum 24 mi lek ni a football chawlhsan ta Bolton Wanderers midfielder hlui Fabrice Muamba natna leh a natna hi a in ang tih hmuhchhuah a ni a, inkhel zui zel chi a ni lo.

England tana ODI match 27 kheltu Taylor chuan, "Ka tan chuan tun kar hi ka hun hman tawh zawng zawnga hrehawm ber pawl a ni. Ka khawvel hi chhuk leh chho a inchhawk reng a, mah se he khawvela cham chhunzawma engkim hmachhawn turin ka inpeih a ni," a ti.

Taylor-a natna hi Arrhythmo-genic Right Ventricular Arrhythmia (ARVC) a nih thu puan a ni a, England team director Andrew Strauss chuan an batsman natna avanga a hnual thu leh pawi a tih thu a sawi.