LPS Cup: Vawiinah Round of 16

Mahindra XUV 300 LPS Cup Inter Village Football Tournament 2024 round of 16 chu vawiinah khelh ṭan a ni dawn a, tlai dar 4:30 hian Thenzawl Jt. leh tualchhung football-a hming langsar Dinthar te an intawng dawn.

Zan dar 8:00-a inkhel tur hi en châkawm zual tia sawi theih a ni a, Mizoram football-a hming langsar pahnih Chhinga Veng leh Bethlehem Vengthlang an intawng ang - inkhel en duh tan RG Stadium, Mualpui pan mai tur a ni.