Hyderabad-in NorthEast United an chelh

Thawhṭanni zan Indian Super League inkhelah NorthEast United-in Hyderabad lakah 2-0 in hma hruai mah se, Hyderabad an sut zawhtir a, 2-2 in inkhel an ṭin.

Highlander hian minute 32-naah Parthib Gogoi hmangin goal hmahruai an khung a, Hyderabad defender Alex Saji chuan an lamah a tilut bawk. Mahse, mahni mualah Hyderabad an tlawm duh bik lo - Makhan Chothe leh an ram pawn player neih chhun Joao Victor ten si phurh an sut a, point khat an hlawh chhuak.

Hyderabad tan hian Jeremy Zohminghlua, Mark Zothanpuia, Ramhlunchhunga leh Lalchhanhima Sailo ten inkhel bul an ṭan a, Aron Vanlalrinchhana chu bench aṭangin a lut bawk.