Foxes chakna Vardy

A kum tam deuh hnuah pawh Jamie Vardy a la ṭangkai reng a, hun pawimawh laiah goal khat tauh lutin Leicester City chu Sunderland lakah 1-0 in hnehna a chanpui.

Thawhlehni zan Championship inkhelah Vardy hian minute 13-naah goal awmchhun a khung a, Foxes hi anmahni hnaih bertu Ipswich lakah point thumin a sanpui a, table chung berah an awm mek.

Black Cats erawh tun hnaiah an che fuh thei lo, an match hnuhnung pangaah an tlawm vek! A sang zual paruk china awm Hull City an phak lohna chu point 10 a ni a, playoff khel phak tur pawhin insiamṭhat an mamawh hle.