ECL-ah Villa inlan dawn

Tun season-a beisei phak baka che ṭha Aston Villa chuan zanin dar 11:15 hian Europa Conference League round of 16 first leg an khel dawn a, Dutch club ṭha Ajax an lenchilh ang.

Zaninah Villa striker Ollie Watkins chuan en bik a hlawh leh dawn. English striker hian tun season inelna hrang hrangah match 37 khelin goal 21 ngawt a khung tawh a, assist vawi 10 a nei bawk.

Chelsea leh Manchester United laka a zawna an tlawm hnuah Villa hian match thum chu a zawnin hnehna an chang leh tawh a, Ajax hmachhawn turin an inpuahchah ṭha viau.

Hetihlai hian inelna hrang hranga an match hnuhnung pasariha vawi thum chiah chak Ajax-in league lama an hmingchhiatna thaireh turin ECL hman an duh dawn a, Liverpool captain hlui Jordan Henderson hoin Villa lakah chak an beisei ang.