KPGBA-ah training nei dawn

NEIDA Tata Trust Project hnuaiah Mizo naupang 13 leh coach pahnihte chuan Kotak Pullela Gopichand Badminton Academy (KPGBA), Hyderabad-ah training an nei dawn a, training hi thla khat awh tur niin, vawiinah an ṭan dawn a, nimin khan Lengpui Airport aṭangin training-na tur hmun an pan.

Hyderabad-a training nei tur Mizo naupangte hi training neihna tur an pan hma, March 6 khan psychologist, Dr.Juliet Lalremmawii Ralte, Associate Professor, Department of Psychology, Govt. Hrangbana College chuan hun hmanpuiin, naupangten rilru leh taksa lama harsatna an neih leh an mamawh te sawihona a neihpui.