Kerber tan hna a harsa lo

Indian Wells khelh laia hmeichhe inelna lamah Angelique Kerber chuan Petra Martic 6-3, 6-4 in a hneh a, harsatna lian tham lutuk tawk loin second round a inhlangkai.

German nula Kerber hian a vanglai chuan Grand Slam nomawi pathum lai a chawi thei, tun hnaiah erawh hliam vangin a buai fo. Thla 18 chhung a chawlh hnuin kumin January thla khan a inkhel ve leh thei ṭan chiah a ni.

Kerber chuan, "Rilruin a duh leh tum ang hi tihlawhtling turin theihtawp chhuah ila, tennis pawh nuam titakin khel mai ila, chu chuan hlimna min thlen ber," tiin a sawi a, kum 36 mi ni tawh mah se chawlh mai a la tum lo.

Grand Slam dawta inelna ngaihhlut - Masters 1000 khelh laiah hian kum 2021 champion Paula Badosa erawh hliam vangin a inhnukdawk, inlan turin a hmung pe lut vek tawh mah se a hnungzâng hnuai lam hliam vangin a inkhel thei lo a ni.