A pa ṭantu Verstappen

Max Verstappen chuan a pa Jos Verstappen chu dawt sawi ngai lo, mi dik a ni tih a sawi - Red Bull team boruak hi a ṭha rih lo tih chiang takin a lang.

Tun hnai khan Red Bull team boss Christian Horner chu a thawhpui hmeichhe laka che mawi loa puh a ni. Hemi chungchangah hian Jos-a chuan Horner hi a awm reng a nih chuan a fapa tan team chu awm rengna chia a ngaih loh thu a sawi.

Red Bull lam chuan Horner hian tihdik loh a neih loh thu an sawi ve thung. Dutch tlangval Verstappen chuan, "Ka pa Jos hi mi ṭawng tam lo tak mai a ni a, dawt a sawi ngawt ngai lo. Thil engkim sawi chhuah vek erawh a ṭul ka ti lo," a ti a, a pa lamah a ṭang tih a lantir.

Verstappen hian Formula 1 nomawi vawi thum a chawi tawh a, tun season intlansiak hmasa berah pawh pakhatna a ni.