Kulikawn hnehtu Vaivakawn

Mahindra XUV3OO LPS Cup round of 16-ah Vaivakawn chuan hun tawp dawna Benjamin Lalnunpuia goal hmangin Kulikawn chu 2-1 in an hneh.

Rajiv Gandhi Stadium, Mualpuia inkhelah Vaivakawnin bul an ṭan fuh a, minute ngaah corner petin Kulikawnin an dang chhuak thei lo a, Lalruatkima Dosel chuan kawh zetin a chhuih lut. An khung belh nghal teuh hle a, a hma lawka corner pettu Moody Lalawmpuia ball pek ṭha tak um falin Benjamin-a'n a pet ṭha tawk lo va, Kulikawn goalkeeper Vanlalaruata'n a dansak.

Minute 31-ah corner atangin an si phurh an sut. Penalty box pawn aṭangin Lalhriatpuia'n ball lo chhuak a pet a, goalkeeper Lalhruaizela dan theih lohin nalh takin a chhuih lut a ni. Hun pangngai tawp nan minute sarih a la awm tihin David Lalrinpuia'n ṭha takin ball a vawrh a, defender khum chiahin Vaivakawn forward Benjamin-a'n ball lam pana tlan hma keeper Vas-a tauh khumin a khung a, Divya Player of the Match lawmman a dawng.

Nizan khan last 16 khelh chhunzawm niin, team ṭha Sihphir Venghlun chuan 3-2 a Republic Veng hnehin quarterfinal an lut a, inkhel hnuhnung zawka Ramhlun North leh Sialhawk te result erawh kan hre hman lo.

Zanin dar 8:00 hian LPS Auditorium-ah quarterfinal aṭanga final thlenga an khelh chhoh dan tur pawh a ni ang.