Vawiinah Aizawl FC leh Lajong inkhel dawn

Aizawl FC chu kar hmasa khan Trau nen inkhel tur ni mah se, chi leh chi inkara buaina chhuak thei thil avanga Manipur club an lo zin theih loh avangin inkhelh hun sawn a ni a, kar khat zen zawn an chawlh hnuah Mizo club hian I League match an khel leh dawn ta.

Vawiin tlai dar 4:30 hian Mizo club-in Shillong Lajong an mikhual dawn a, NorthEast derby boruak a 'hot' leh ang. Tun season-a team pahnih intawn hmasakah Aizawl FC hian 3-0 ngawtin Shillong Lajong hi an sawp - hetihlai hian Shillong club hi match riat chhung a zawnin tlawm an nei lo.

Aizawl leilungah Lajong-in phuba lak an châk ang tih a chiang a, chutianga awlsam erawh a ni dawn lo. Mizo club hian coach Bobi Stojkoski hnuaiah beisei an phak loh avangin North Macedonian coach hi an ban a, assistant coach B. Malsawmzuala lam bawk an hawi.

Mizo coach hoin AFC hian Real Kashmir an mikhual nghal a, 1-0 in an tlawm. Mahse, Sawmtea hnuaiah AFC hmasawnna hmuh turin a awm a, Bobi Stojkoski hnuaia an game hmuhnawm lo tak chu thlahin, Aizawl FC tak tak kan hmu leh tawh.

Zaninah pawh Mizo club hian beiseina sang tak nen Shillong Lajong an mikhual dawn a, ṭhenawm club lakah zahngaihna lantir an tum lo ang.