Santosh Trophy : Mizoram tan Mizo

FIFA Santosh Trophy 2024-ah Mizoram team-in Itanagar Mizo Welfare Association aṭangin ṭawiawmtu an nei ṭha hle. Mizoram team hi an chak ṭum leh chak loh ṭum thlengin Itanagar leh a chhehvela Mizo awmten an ṭawiawm ṭha a, khawtual miin an ṭawiawm ṭha bawk.

Mizote hi Itanagar bakah a chhehvel khua Thrizino, Maduripathar, Semen Chapori, Ziro leh Laimekuri bakah Assam khawpui Guwahati aṭangin an kal khawm. Ṭhenkhat phei chu inkhel en tur hian zan aṭangin an chhuak hial a, Mizoram team tana an inpekna hi a thuk hle.