Tlawm a rem tawh lo - Allegri

Juventus chuan Pathianni zan dar 10:30-ah Atalanta an mikhual dawn a, an match hnuhnung bera tlawm Old Lady manager Massimiliano Allegri chuan an tan chak loh a thiang tawh lo tih a sawi.

Turin club hi Napoli lakah an tlawm a, an chunga awm Inter Milan an phak lohna chu point 15 ngawt a tling tawh. Italian football inelna sang berah champion la chiang chiah lo mah se Inter hi umphak an harsa tawh ang.

Juve manager Allegri chuan, "Atalanta nena kan inkhelh tur hi a pawimawh, theihtawp chhuahin hnehna chan ngei kan tum ang. Keini hi chuan beiseina tlemte chauh a awm pawhin theihtawp kan chhuah dawn, kan beidawng thiang lo.

"Ka naute hi insiamrem lai an ni a, kuminah ringawt pawh an hmasawnna hi nasa takin kan hmu. Season tharah chuan team khauh leh hlauhawm zual zawk kan nih theih ngei pawh ka beisei," tiin a sawi.