Midang el phak tum Marc Marquez

Pathianni zan dar 10:30 hian MotoGP tun season intlansiak hmasa ber an tlan dawn - Qatar Grand Prix chu Losail Circuit a inelna neih tur atan Marc Marquez a inpeih a, midang el phak nih a tum thu a sawi.

Gresini team tana tlan tur Marquez chuan, "Ka thil tum ber chu midangte el phak nih a ni a, tun hnaiah ka che ṭha tawk lo tih ka hria. Season thar erawh beiseina ka nei a, tun hma lama midangte el phak ka nih ang kha nih leh ka duh.

"Team thar tan chona thar ka hmachhawn chho mek a, ka ṭhian tharte hnen aṭangin thil tam tak ka zir chhuak a, zir belh tur pawh ka la ngah hle. Infiammite hian thil thar kan hmachhawn hi chuan insiamrem hun erawh kan mamawh ve ṭhin," a ti.

Tun kartawpa inelna an neihna tur hmun Qatar Grands Prix hi Gresini team tan hmun ṭha a ni. Inelna hnuhnung pahnihah Enea Bastianini (2022) leh Fabio di Giannantonio (2023) te an chak avangin kuminah pawh beisei an nei sang khawp ang.