Roma-in Brighton an sawp

Europa League round of 16 first leg chu Ningani zan khan khelh a ni a, inkhel ngaihven hlawhah AS Roma chuan 4-0 in Brighton & Hove Albion an sawp a, Premier League club an zawr.

Italian club tan Paulo Dybala, Romelu Lukaku, Gianluca Mancini leh Bryan Cristante ten goal khat ṭheuh an khung a, Brighton lamin a chhanletna tur an neih loh avangin khualmualah an mualpho chiang hle.

Brighton manager Roberto de Zerbi chuan, "Kan game ngai kan khel a, kan theihna zawng zawng kan hlan a, hei hi kan tlin tawk a ni rih a ni mai thei," a ti a, chhuanlam a siam lo.

De Zerbi chuan sawi zawmin, "Europa League quarterfinal chin chu keini ang tan chuan a sang em em a, chu dinhmun thleng tur chuan hmasawn kan mamawh. Europa League-ah kan la tlangnel lo a, chu chu a lang chhuak a ni," a ti - Liverpool nen pawha sawi zawm coach hian a vawi khat nan Brighton hi Europe a hruai thleng a ni.

Hetihlai hian SC Freiburg chuan 1-0 in West Ham an hneh bawk a, Michael Gregoritsch chuan inkhela goal awmchhun a khung. Liverpool-in 5-1 in Sparta Prague an sawp thung a, Premier League club zinga chak awmchhun an ni.