Lz-a'n goal a khung

Zirtawpni zan khan ISL inkhelah Mumbai City tan Lallianzuala Chhangte chuan minute 74-naah goal a khung a, Jamshedpur FC nen 1-1 in an inhnehtawk - JFC tan Javier Siverio chuan si phurh a sut a, Mumbai hi ISL table chung berah an awm zui.

Mumbai tan hian Lalengmawia Ralte chu bench aṭanga luhtir a ni a, JFC tan PC Laldinpuia'n inkhel bul a ṭan bawk.

Inrinni zanah Hyderabad-in 1-0 in Chennaiyin an hneh a, Sajad Parray chuan minute 89-naah inkhela goal awmchhun hi a khung - tun season ISL-a an chak vawi khatna a ni a, hun pek belhah Mohammed Rafi chu hnawhchhuah zui a ni.

Hyderabad tan hian Jeremy Zohminghlua, Lalchhanhima Sailo leh Ramhlunchhunga ten inkhel bul an ṭan a, bench aṭangin Aron Vanlalrinchhana a lut bawk - zanin dar 7:30-ah Punjab FC chuan FC Goa an mikhual ang.