Sports minister hoin MSSC ṭhukhawm

Mizoram State Sports Council chuan Sports minister leh MSSC president ni bawk Lalnghinglova Hmar hovin executive meeting an nei a. MSSC inrelna hrang hrang sawiho a ni.

Inrinni khan Hawla Indoor Stadium, Republic Vengthlangah hun hman niin, MSSC President Lalnghinglova Hmar chuan, "Sports-ah tih tur hrang hrang a tam hle a, heng zingah hian hruaitu nih hi tlawmngaih hna a ni. Kan tha sen zawng zawng suma chantir dawn chuan a tam tham hle ang.

"Kan inpekna zawng zawng a man hmuh let tuma pawl kan hruai a nih chuan kan inpekna thinlung a fuh lo ang. Hetiang hruaitu Sports association zingah kan lo awm a nih chuan kan chawlh hahdam mai a ṭha zawk awm e," a ti.

MSSC executive meeting-ah hian Sports Associations ṭhenkhat MSSC recognition dilna chungchang te, Mizoram State Sports Council hnuaia Committee peng hrang hrang din chungchang te, recognised sports discipline zawng zawngten Mizoram Incentive Cash Award Scheme 2020 hnuaia incentive dawng ve thei tura sorkar hnena rawtna thlen chungchang te, recognised sports association chawikana tihchangtlun dan tur chungchang te, Mizoram State Sports Council Golden Jubilee lawm dan tur chungchang te leh thil dang pawimawh tak tak te rel a ni.