Nanjing-ah inelna nei dawn

World Athletics Indoor Championships 2023 chu China ram khawpui pakhat Nanjing-ah neih a ni dawn, inelna lian hi nakkuma neih tur ni mah se coronavirus hri leng mek vangin a hun hi an lo sawn lawk tawh a ni.

Ruahmanna hmasa ang chuan China khawpui hian kumin March thla khan championship hi thleng tur a ni a, nakkum atan an sawn lailawk. 2022 Championship chu Belgrade-ah neih a ni dawn a, a kum lehah Nanjing hian a thleng thung dawn.

World Athletics chuan thuchhuah siamin, "China ramin hri leng do nana a hmalakna leh inkaihhruaina te kan zahsak em em a, kan tum leh duh ang hunah thlen theih ni lo mah se 2023 atan chuan engkim a kal tluan kan beisei.

"Inelna hi inchhunga neih vek ni mah se fimkhur a ngai hle, infiammi bakah a hmuna entu leh hnathawktu thlengin an hriselna leh himna kan ngai pawimawh. Hri lengin ziaawm lam pan zel se, infiamna pangngai neih leh theih kan nghakhlel," an ti.