Juve manager Allegri insawifiah

Pathianni zan Serie A inkhelah Juventus leh Atalanta te 2-2 in an inhnehtawk a, coach Massimiliano Allegri chuan an tan result ṭha a nih thu sawi mah se Old Lady ṭantute lamin an hrethiam lo viau thung.

Atalanta lamin Teun Koopmeiners hmanga goal an khung chu Juve tan Andrea Cambiaso-a'n sutin striker Arkadiusz Milik chuan a khung belh bawk, mahse Koopmeiners bawkin khung lehin an inhnehtawk.

Juve an chak zawh loh lai hian AC Milan chuan Empoli 1-0 a hnehin Serie A table-ah pahnihna an ni ta a, pathumnaah Turin club an tlahniam thung - Inter Milan chu point 16 ngawta an san fal tak avangin an champion tluk a ni tawh.

Old Lady manager Allegri chuan, "Team ṭha tak Atalanta lakah kan khel ṭha pangngai hle, chutihrualin tlarhnung kan ven dan erawh tun aia ṭha zawk kha la ni thei tur a ni, insiamṭhat ngaihna lai chu kan la nei," a ti.