PSG leh Reims inhnehtawk

Paris Saint Germain coach Luis Enrique-a'n a player ṭha Kylian Mbappe chu bench lamah a dah a, hun tawp dawnah luhtir mah se kawngro a su phak tawh bik lo, an mikhual Reims nen 2-2 in an inhnehtawk.

Pathianni zan Paris khawpuia inkhelah mikhual Reims lamin Marshall Munetsi hmangin khung hmasa mah se Yunis Abdelhamid-a'n anmahni lamah a tilut - PSG tana Goncalo Ramos khung chu chawlhlawk hmain Oumar Diakite-a'n sutin goal dang a lut zui tawh lo.

Nipui bazarah Mbappe a chhuak dawn a, coach Enrique-a'n France captain tel loa khelh an zir a ngaih thu a sawi tawh a, club thuneitu lam pawhin an coach thutlukna hi an pawmpui thu an sawi tawh bawk.

PSG hian Ligue 1 nomawi chu an chawi leh ngei hmel, league aiin Champions League an ngaipawimawh zawk - UCL lamah chuan Mbappe hi bul ṭantu zingah a tel tho. League lamah erawh a tel loa khelh dan an ruahman chho mek a ni.