Bagan-in East Bengal an sawp

Pathianni zan khan Kolkata derby khelh a ni a, Mohun Bagan chuan 3-1 in East Bengal an hneh - Bagan-in hnehna an chan avangin table chung ber an luah zui a, Mumbai City leh Odisha hnungzuiin playoff khel turin an tling chiang ta bawk.

Bagan chak avangin Mumbai chu pahnihnaah tla thlain, Bagan ang thoin point 36 an nei a, match khatin an khel tam thung. Odisha chu table-ah pathumna an ni a, match 18 khelh tawh aṭangin point 35 an nei bawk.

Pathianni zan ISL inkhelah Bagan tan Jason Cummings, Liston Colaco leh Dimitrios Petratos ten first half chhungin goal thum an khung a, East Bengal hian second half-ah Saul Crespo hmangin si phurh sut ṭhen ve leh mah se, a team a beng harh zo lo.

East Bengal tan Lalchungnunga chuan inkhel bul ṭanin, Mizoram player dang inlan an awm lo thung.