TKS bigman ChP-a a dam

Tuikual South hi Mi-zoram Super Lea-gue season 2-a team hmuh-nawm bera ngaih an ni a, league match hmasa pathumah Zarkawt BCA, Chaltlang Ryders leh Mission Veng Vikings hneh zawnin semifinal lut hmasa ber an ni. Mahse, Zar-kawt Serpents leh Khat-la TBL an hneh loh zui avangin an famkim bik lo.

Semifinal game 3-ah Tuikual South hian cen-ter Vanchuangpuia chu damlohna avangin an chhawr thei lo a, Vikings lakah hian chak lo zawk tura ngaih an ni. Mahse quarter hnuhnung berah comeback ropui lantirin 76-69 in an lehthal.

Tunkar Thawhṭanni aṭang khan Armed Veng thlangval ChP-a hian team training a zawm leh tawh. Haryana forward Rakesh a rawn inlan theih a beiseiawm loh bawk avangin champion tum ngam Tuikual South tan chuan ChP-a dam hi chanchin lawmawm a ni chiang. Team khai-kawmtu veng chhung tlangval F. Zodinthara hoin Tuikual hian MSL2 nomawi an chawi a nih pawhin a mak lo ang.

Coach KC Lal-lian-tliang-a chu semifinal game 2-a Vikings nen an inkhelh ṭuma buainaa a inrawh vangin hrem a la tawk mek a, final game 1 leh game 2-ah a team a la kaihruai thei dawn lo. Mahse. Assistant coach Lal-ngengpuia kaih-hruaina hnuaiah semifinal game hnuhnung ber inkhel bo-ruak sang takah hnehna an chang thei a, final-ah pawh an buai lo tura ngaih a ni.

TBL nen an inkhelh tur thlirlawkin KC-a chuan, "TBL hi team ṭha berte zinga mi an ni a, kan intawn hnuhnung pathumah an chak vek avangin final-ah pawh hian chak zawk tura rin-kai an ni. Mahse, kan team hian final atan camp nei hran lo mah ila inbuatsaihna kan neih ṭhat miau avangin nomawi chawi thei turah kan inngai," tiin Vanglaini palai a hrilh.

Season hmasa khan TBL hi fans nei ṭha bera ngaih an ni a, kuminah erawh Tuikual South hian an rawn khum rih niin a lang. An vengte inkhel en tur hian tuikual mipuiten an neih an ui lo tih kan hmu fo tawh.

KC-a chuan fans pawi--mawhna sawi langin,"Veng hmingpua team din a nih avangin Tui-kual mipui zawng zawng kan ṭangrual a, inkhel en an ngaih pawimawh em avangin tlangval leh naupang zingah in-khel en man tur ticket lei nana inhlawh pawh an awm hial. Hei hian basketball kan ngaihsan zia leh ngaihpawimawh zia a ti lang chiang," tiin vengchhung mipuiin an
ṭawi-awmṭhat thu a sawi.