Khelo India: Gold leh Silver medal la

National Khelo India Women's Taekwondo League hmasa berah - Vanlalthlamuanpuii (Under -59kg, Cadet) chuan gold medal a la a, Ramdingliani (Under -52jg, Junior) pawhin bronze medal a la bawk.

March 9-11 chung khan Cuttack, Odisha-ah inelna hi neih niin, Vanlalthlamuanpuii (Nupuii), Zemabawk leh Exodus School Taekwondo Club zirlai ni bawk hian quarterfinal-ah Maharastra aiawh chu 5-1, 14-1 in a hneh a, semifinal-ah Uttar Pradesh mi chu 5-4, 9-1 in a hneh hnuah; final-ah 9-2, 10-1 in Manipur a sawp a, gold medal a la.

Ramdingliani Chamari West, TABF aṭanga zirchhuak, tuna NCOE Lucknow-a awm mek chuan quarterfinal-ah Bihar aiawh chu 12-0, 14-2 a a sawp hnuah, semifinal-ah Manipur nen an in tum a, deciding khelh ngai khawpin inhnehtawk mah se, 7-3, 2-3, 3-12 in a vanduai zawkah a ṭang a, bronze medal a la thung a ni.

National Khelo India Women's League khel thei tur hian zone inelna paltlang a ngai. India rampum hi North, South & West Zone-ah ṭhen a ni. Zone tinte hian Inelna neiin medalist chin te chu National khel tur hian an tling.

North Zone aṭang hian Mizo naupang pathum leh West Zone aṭangin pakhat - Vanlalthlamuanpuii, Zemabawk; Ramdingliani, Chanmari; PC Lalduhawmi, Ramthar North leh R. Lalbiaknuami, Chaltlang te an tling.

Mizoram aiawhte hi coach Lalinpuia, Armed Veng South chuan a hruai a ni.