Indian legend D. E. Ethiraj a thi

Indian football golden generation hun laia player zinga mi D. E. Ethiraj chu rei tak a dam loh hnuah nimin khan Bengaluru khawpuia a chenna inah a thi a, kum 89 mi a ni. 

Services tana khel ṭhin Ethiraj hi Asian Games 1962-ah khan Indian football team tan a feh chhuak a, gold medal an hlawh chhuak - he team-ah hian Indian legend dang Chuni Goswami, PK Banerjee, Jarnail Singh leh Peter Thangaraj-te nen an khel ho. 

Madras Engineer Group tan pawha khel tawh Ethiraj hi midfielder a ni a, player taima leh thawkrim a nihna chu a larpui ṭhin hle. A vanglai chuan, "A chau ve thei lo," tih hialin a chanchin an sawi ṭhin.