Punjab vs Goa - goal a sur

Thawhṭanni zan Indian Super League inkhelah FC Goa-in goal thum an khung a, mahse, Punjab FC-in goal thum an khung ve tho avangin team pahnih hi 3-3 in an inhnehtawk.

Goa tana chanchin lawmawm erawh khualmualah chak zo lo mah se, playoff khel turin an tling chiang tawh a, Mohun Bagan, Mumbai City leh Odisha hnung an zui.

Jawaharlal Nehru Stadium, Delhi-a inkhelah Goa-in Carl McHugh hmangin goal hmahruai an khung a, he goal hmang hian 1-0 in chawlhlawk an hmang. Mahse, I League champion Punjab-in Wilmar Jordan Gil leh Luka Majcen hmangin an chhanglet a, 2-1 a ni.

Mahse, Goa an hnufual rei lo. Minute 72-naah Noah Sadaoui-a penalty hmangin Goan club hian an chhanglet ve leh a, 2-2 a ni. A la tawp lo cheu - minute 78-naah Juan Mera chuan Punjab tan a khung ve leh a, chak turah an inngai hman.

Goa erawh an beidawng ve lo. Minute 84-naah Carlos Martinez chuan si phurh sutna goal a khung leh a, hun tawp thlenga goal dang lut loin, 3-3 in team pahnih an ṭin.

FC Goa hian kum 2024 an hmang ṭha lo hle. League match riat an khelhah vawi hnih chiah an chak a, vawi thum draw neiin, vawi thum an tlawm. Mahse, season chawhma lama an chet ṭhat zar zoin, playoff chu an khel dawn chiang ta tho.