Rajasthan-in Neroca an sawp

I League-ah Rajasthan FC-in Manipur club Neroca 5-1 in an sawp a, goal khungtu zingah Mizo tlangval Lalchungnunga Chhangte a tel. Vawiin tlai dar 3:30 hian Delhi leh Inter Kashi te an inkhel ang a, zanin dar 7:00-ah Shillong Lajong leh Real Kashmir te an inkhel ang.

Namdhari Stadium, Ludhiana-a inkhelah Rajasthan-in Richardson Denzell hmangin minute 20-naah goal hmahruai an khung a, Marin Mudrazija-a'n minute nga hnuah a khung belh.

Neroca-in Aizawl FC tan pawha khel tawh Ansumana Kromah hmangin si phurh sut ṭhen mah se, Mudrazija-a'n second half-ah goal hnih khung belhin hattrick a siam. Minute 90-naah Chungnunga'n Rajasthan goal ngana a khung.

Mizo club Aizawl FC-in kuminah chak hmel an la hmu lo a; March 14, Ningani zan dar 7:00 hian EMS Stadium-ah Gokulam Kerala an hmachhawn ang.