TT inelna nei mek

Mizoram Table Tennis Association (MTTA) hnuaia inelna - 38th Mizoram State Table Tennis Championships 2023-24 chu khelh mek a ni a, inelna hi March 15, Zirtawpniah zawh fel a ni ang.

March 12, Thawhlehni aṭang khan Mizoram Table Tennis Hall, Kawltheihuan, Mission Vengah khelh a ni a, district mal leh club 20 ten tournament hi an hmachhawn - inelna hawngtu SYS secretary Lalramsanga Sailo chuan Aizawl pawn district hrang hrang aiawha lo tel player ṭhahnem tak an awm chu lawmawm a tih thu a sawi a, Olympic Vision 2036 India sorkarin a buaipui mekah hlawkna an tel ve ngei theih nan theihpatawp chhuah zel turin infiammi kalkhawm te a fuih.

Championship hi Mizoram Table Tennis Association kum chhiar dan a, kum tawp Season Closing Championship ni nghalin kum khat chhung a inelna neih a ngaihhlut leh ranking point tam berna a ni bawk.