Klopp-a'n champion turin Chelsea a ring

Chelsea-in zanin dar 1:30 hian Goodison Park-ah Everton an hmachhawn dawn. Blues hi pathumnaah awm mah se an chunga awm Tottenham leh Liverpool te point hnih chauhin an pha lo a, Reds manager Jurgen Klopp pawhin tun dinhmuna champion tura a rin ber an nih thu a sawi.

Klopp chuan, "Tuna kan khelh dan aṭanga teh chuan Chelsea hi champion tura rinkai ber chu an ni. Squad an nei chhah a, bul ṭan fuh lo mah se an player ṭhate an inkawp rem tawh. Tunah chuan an ṭhat dan berin an khel thei tawh a ni," tiin Chelsea chungchang a sawi a, German manager thlirna hi a dikna chen a tam hle.

Chelsea hian league match hnuhnung berah Leeds United 3-1  in an hneh a, goal khungah buaina an nei lo. Season ṭantirah an tlarhnung buai deuh mah se tunah chuan Thiago Silva leh keeper Edouard Mendy te hoin tlarhnung pawh a phui ta hle.

Blues khingpui Everton erawh tun hnaiah an chefuh hleithei lo a, match hnuhnung pasarihah vawi khat chauh an chak avangin table-ah pawh pakuanaah an tla thla tawh a ni.