Player hlu ber Lalnunpuia Renthlei

Lalnunpuia Renthlei tan season duhawm a ni - Mizoram Super League champion a nih bakah mimal chawimawina hlu Most Valuable Player (MVP) chawimawina hlan a ni a, atan kum chhinchhiah tlak a ni chiang hle.

Tun hma chuan R-a hian Hollow, Tuikual South leh Bungkawn LB Associates tan a khel tawh a, tun season chu Zarkawt BCA tan a khel. Player ṭha rual awmkhawm zingah rawn dawk chhuakin a ṭangkai thei hle.

BCA coach Marc Lalthlamuana Sailo chuan, "Lalnunpuia Renthlei hi player ṭha tak a ni a, nuamti taka basketball a khelh theih hi a pawimawh lai chu a ni. Mimala ṭhat ringawt erawh a tawk zo lo, khelhpui ṭha tak tak a nei, a ṭhain ten an chawm ṭhat vang a ni bawk," tiin R-a chungchanga a sawi.

Coach Tetea hian a player hi a dahsang thiam hle a, chutihrualin Lalrina Renthlei, Zonunsanga leh Matthew Remtluanga Sailo ten an ṭhianpa tana an hnathawh chu a hmuhhmaih lo a, an zavaia thawhrah niin Vanglaini a hrilh.