Goal thum chhuah Bournemouth an 'comeback'

Bouremouth-in Premier League history-a comeback ropui ber zinga mi an lantir a; March 13, Nilaini zan khan Luton Town laka 3-0 a an hnufual hnuin 4-3 in an lehthal. Cherries hian match 28 aṭangin point 35 an hmu a, season thara Premier League khel leh turin an dinhmun a ṭha hle.

Luton Town erawh an chak zawh loh avangin relegation zone-ah an awm chhunzawm a ṭul a, point 21 chauh la hmuin an chunga awm Nottingham Forest chu point thumin an pha lo. Premier League-ah match 10 khelh tur a la awm a, point 40 hi him china ngaih a ni.

Luton hun

Vitality Stadium-ah mikhual Luton-in bul an ṭan ṭha. Minute kuana lekah Jordan Clark-a cross chu goal ruakah Man United academy chhuak Tahith Chong-a'n a tauh lut.

Luton an khel ṭha chhunzawm a, Chong-a ball pek chu Alfie Doughty-a'n um lutin vei lam aṭangin cross ṭha a siam. Box chhungah Chiedozie Ogbene-a rawn dawk ṭha a, Luton goal hnihna a khung.

First half injury time-ah mual dinglama Issa Kabore ball pek satliaha ngaih chu Ross Barkley rawn tlan ṭhat leh Bournemouth tlarhnung a pherh avangin goal khung theihna khawp a ni ta thung. Barkley hian lalutin Luton goal thumna a khung.

Bournemouth hun

Halftime-ah Andoni Iraola-a'n a naute a fuih ṭha. Second half-ah Bournemouth thar an rawn inlar a, minute 50-naah Dominic Solanke-a'n player theihna sang bik goal khungna tur atana mawiin a pet goal. Solanke hian penalty area-ah ball la thlain amah vengtu kap karah ball a khenglut a, ball hi um lut zuiin goal mawi bik a khung.

Minute 62-naah Cherries-in corner kick an hmang ṭha a, substitute Enes Unal-a ball tauh chu Luton keeper Thomas Kaminski-a'n dang mah se a per chu Illia Zabarnyi-a'n a tauh lut ta tho.

Bournemouth an phur zui a, minute hnih hnuah Antoine Semenyo-a'n mual vei lamah ball changin goal khung theihna tur niin a la lang lo. Semenyo hian goal hnaih lamah ball khalh leh hretin, box chhungah a la lut a, kawh zetin goal kilah a pet lut. Minute 12 chhungin siphurh an sut zo vek.

Mualneitu dinhmun a ṭha ta zawk a, goal hmuh tur erawh a awm mai lo. Minute 83-naah Cherries-in mual dinglam bawk an hmang ṭha a, Unal-a ball pek chu Semenyo-a'n chakna goal khung nan a hmang. Inkhel entu mipui thawm a ring hle.

First half-ah Luton-in goal thum zet an khung a, second half-ah Bournemouth-in goal liin an chhanglet. Premier League-a comeback ropui ber zinga mi a ni.