India squad-ah Mizo pahnih

India aiawha FIFA World Cup 2026 leh AFC Asian Cup 2027 khel tur zawnnaa tel tur player 25 zingah Mizo pahnih Lalengmawia Ralte leh Lallianzuala Chhangte te an tel. Igor Stimac-a'n March thla tira player 35 a koh khan Mizo panga an awm a; Lalchungnunga, Lalthathanga Khawlhring (Puitea) leh Isak Vanlalruatfela te final squad-ah telh an ni lo.

India team hian nimin khan Abha, Saudi Arabia an pan a; March 21, Ningani zan dar 12:30-ah Afghanistan an hmachhawn ang. Men in Blue hi group A-ah Afghanistan bakah Asian Cup champion Qatar leh Kuwait te nen an awm ho a ni.

Igor Stimac-a hote hian match hmasa berah Kuwait chu khualmualah 1-0 in an hneh a, hemi zawh hian group hmahruaitu Qatar chu 3-0 an hneh lo. Group khatah team pali an awm a, vawi hnih ṭheuh an inkhel dawn. Men in Blue hian March 26, Thawhlehni zanah Afghanistan hi Indira Gandhi Athletic Stadium, Guwahati-ah an hmachhawn leh ang.

India Squad

Goalkeepers: Gurpreet Singh Sandhu, Amrinder Singh, Vishal Kaith.

Defenders: Akash Mishra, Mehtab Singh, Rahul Bheke, Nikhil Poojary, Subhasish Bose, Anwar Ali, Amey Ranawade, Jay Gupta.

Midfielders: Anirudh Thapa, Brandon Fernandes, Liston Colaco, Mahesh Singh Naorem, Sahal Abdul Samad, Suresh Singh Wangjam, Jeakson Singh Thounaojam, Deepak Tangri, Lalengmawia Ralte, Imran Khan.

Forwards: Sunil Chhetri, Lallianzuala Chhangte, Manvir Singh, Vikram Partap Singh.