Mizoramin goal 10 khung

India ram state hrang hrang hmeichhe hockey team hmanga inelna - 14th Hockey India Senior Women National Championship khelh laiah Mizoram chuan nimin tlai khan Himachal chu 10-0 in an sawp.

Major Dhyanchand Hockey Stadium, Pune-a inkhelah Mizoram tan hian - captain H. Lalruatfeli leh Lalpeksangi ten goal thum ve ve khungin, Lalruatfeli, Lalhlunmawii, Lalremsiami Hmar leh Marina Lalramnghaki ten goal khat ṭheuh an khung bawk

India junior core group a awm lai Lalthantluangi chu player of the match ni thei khawpin a khel ṭha bawk. Nimin pool F inkhel dangah Punjab chuan Rajasthan lakah 11-2 in hnehna an chang bawk a ni.

Pool pakhatah hian team pali an awm, an inkhelh kual vek hnuah a sang berin quarterfinal an lut ang. Mizoram hian an pool match pahnihna atan Pathianni hian Rajasthan an hmachhawn leh ang.