Liverpool kawng a nem?

Europa League quarterfinal draw chu nimin khan Nyon, Switzerland-ah neih a ni a, champion rinkai zinga mi Liverpool-in Atalanta an hmachhawn dawn. Jurgen Klopp-a hote hian Atalanta hi an hneh a nih chuan semifinal-ah Benfica leh Marseille inkhela chak zawk an hmachhawn ang.

Klopp-a kaihhruai Reds hian League Cup an chawi tawh a, Premier League bakah FA Cup leh Europa League-ah champion beiseina an la nei vek. German manager-in Liverpool a enkawl tawp ber season-ah quadruple champion thei dinhmunah an ding tihna a ni.

Quarterfinal inkhel dangah Italian club pahnih AC Milan leh AS Roma te an inkhel dawn a, Bundesliga hmahruaitu Bayer Leverkusen leh English club West Ham te an inkhel bawk ang.