Bayern tan chetsual a thiang tawh lo

Bundesliga-ah match 25 an khel tawh a, team 18 chiah an awm avangin match kua chiah khelh tur a awm tawh. Xabi Alonso kaihhruai Bayer Leverkusen-in point 10-in hma an hruai mek a, Bayern hian nomawi humhim an tum a nih chuan chetsual a thiang tawh lo.

Alonso hote hian tun season-ah hneh loh an la tawng lo a; March 17, Pathianni zan dar 8:00-ah Freiburg an tlawh dawn. Leverkusen hian Bundesliga bakah Europa League leh DFB Pokal-ah te an la champion thei bawk.

Bayern pawhin Champions League nomawi la beisei mah se Bundesliga nomawi chan erawh mualphona a ni dawn. Bavarians hian nikum October thla khan zanin an hmachhawn tur Darmstadt hi 8-0 in an sawp tawh a, zaninah chiang taka hneh nawn an tum dawn a ni.