Hmeichhe football inelna

Mizoram Football Association (MFA) chuan a vawi thumna atan - MFA Women's League 2023-24 a buatsaih leh dawn a; April 11 aṭangi Lammualah khelh ṭan tura ruahman a ni.

Kumin MFA Women's League hi Open a nih dawn avangin - veng, khua, club leh institution anga tel theih a ni ang. Women's League-ah hian State aiawha khel tawh player pariat an inziak lut thei ang a, playing eleven-ah mi paruk an awm thei ang.

Inkhelh apiangin 'match money' a awm dawn. 3rd MFA Women's League hi team/club paruk tan buatsaih a nih avangin, team/club in ziaklut hmasa a piang duhsak an ni dawn.

MFA Women's League a tel tum te chuan tun thla, March 23 (Inrinni) hmain a hnuaia R. Lalramzauva, MFA Women's Committee Secretary (9436156858) hnenah inhriattir tur a ni.