Semifinal-ah Swiatek a lut

Hmeichhe tennis world number 1 Iga Swiatek chuan Indian Wells semifinal a lut, nimin zing quarterfinal inkhelah Swiatek hi a khingpui Caroline Wozniacki chu hliam vangin a khel tluan ve thei lo.

Swiatek hian bul a ṭan fuh lo zawk, set khatnaah 4-1 in a hniam zawk hman, mahse 6-2 in set latu zawkah a ṭang. Denmark nula Wozniacki chu hliam vanga enkawl a ngai a, a hliam hnuah game khat khel ve leh mah se a inlan zui thei ta lo a ni.

Inkhel dangah Coco Gauff chuan Chinese nula Yuan Yue lakah 6-4, 6-3 in hnehna a chang a, American player ṭha Gauff hian semifinal-ah chuan Maria Sakkari a hmachhawn leh thung ang.