Quarterfinal-ah Villa lut

Aston Villa chuan an mikhual Ajax chu 4-0 in an sawp a, an intawn hmasakah goal a luh loh avangin Unai Emery naute hian ching takin Europa Conference League quarterfinal an lut.

Premier League club Villa tan hian striker ṭha Ollie Watkins leh Leon Bailey ta bakah substitute Jhon Duran leh Moussa Diaby ten goal khat ṭheuh an khung a, mikhual lamin a chhanletna tur an nei lo.

Villa hian Pathianni zan dar 7:30-ah West Ham nen Premier League match an khel zui lehnghal dawn - Hammers pawh hi Villa ang bawka European football khel hah an ni ve bawk.

Europa Conference League quarterfinal-ah hian Villa, Fenerbahce, Fiorentina, Paok, Viktoria Plzen, Club Bruges, Lille leh Maccabi Tel-Aviv te an lut a ni.