Germany squad-ah Kroos

Germany-in tun international break-ah France (March 23, Inrinni) leh Netherlands (March 26, Thawhlehni) an hmachhawn dawn a, Julian Nagelsmann-a'n FIFA World Cup zawhah ram tana inkhelh chawlhsan Toni Kroos a telh. World Cup 2014 champion theih nana player pawimawh Kroos hian July 2021 khan ram tana inkhelh a chawlhsan thu a puang a, Euro 2020 quarterfinal-a England an hneh loh kha Germany tana an inkhelh hnuhnun ber a ni.

Nagelsmann hian tun ṭum international break hi player enchhin nan a hmang dawn a; Euro Under 21 champion team zinga mi Waldemar Anton, Maximilian Mittelstädt, Deniz Undav (VfB Stuttgart vek), Maximilian Beier (TSG Hoffenheim), Jan-Niklas Beste (1. FC Heidenheim) leh Aleksandar Pavlovic (FC Bayern Munich) te an ko a, ram tana la inlan lo vek an ni.